போத்தீஸ் விளம்பரத்தில் கமல் ஹாசன்

முதன்முறையாக வர்த்தக விளம்பரப் படம் ஒன்றில் நடிக்க ஒப்பந்தமாகியுள்ளார் கமல். அதற்கான படப்பிடிப்பு விரைவில் நடைபெற இருக்கிறது. பல்வேறு நிறுவனங்கள் கேட்டும், கமல் வர்த்தக விளம்பரங்களில் மட்டும் நடிப்பதை மறுத்துக்கொண்டே வந்தார். எந்த ஒரு விளம்பரங்களில் கமல் இதுவரை நடித்ததில்லை, அதே சமயம் விழிப்புணர்வு விளம்பரங்கள் பலவற்றில் நடித்திருக்கிறார்.

இந்நிலையில், முதன்முறையாக பிரபல் ஜவுளிக் கடையான போத்தீஸ் விளம்பரம் ஒன்றில் நடிக்க சம்மதம் தெரிவித்திருக்கிறார் கமல். இதற்கான படப்பிடிப்பு வரும் வாரம் நடைபெற இருக்கிறது.

இந்த விளம்பரப் படத்தை நடிகர் கிருஷ்ணா இயக்கவிருக்கிறார். அதாவது '5 ஸ்டார்’, 'அறிந்தும் அறியாமாலும்', 'யட்சன்' உள்ளிட்ட படங்களில் நடித்த கிருஷ்ணா தான் இயக்க இருக்கிறார்.